გიორგი კვირიკაშვილი – ”ქართულ ოცნებას“ არჩევნების მეორე ტურში ღირსეული კანდიდატები ჰყავს წარდგენილი და ჩვენ მათ გამარჯვებაში დარწმუნებულნი ვართ

facebooktwittergoogle_plus

პარტია ”ქართულ ოცნება – დემოკრატიულ საქართველოს“ არჩევნების მეორე ტურში, ექვსივე ოლქში ღირსეული კანდიდატები ჰყავს წარდგენილი და ჩვენ მათ გამარჯვებაში აბსოლუტურად დარწმუნებულნი ვართ, – ამის შესახებ განცხადებას პარტია ,,ქართული ოცნება – დემოკრატიული საქართველოს“ თავმჯდომარე, გიორგი კვირიკაშვილი ავრცელებს.

”12 ნოემბერს ადგილობრივი თვითმმართველობის არჩევნების მეორე ტური 6 საარჩევნო ოლქში იმართება. მიუხედავად იმისა, რომ იყო მცდელობები, რიგ ოპონენტებს შეცდომაში შეეყვანათ საზოგადოება, თითქოს სარგებლობენ „ქართული ოცნების“ მხარდაჭერით, მე დარწმუნებული ვარ, რომ ამომრჩეველმა ნათლად დაინახა ჩვენი მტკიცე მხარდაჭერა ჩვენი კანდიდატების მიმართ. პარტია ,,ქართულ ოცნება – დემოკრატიულ საქართველოს“ არჩევნების მეორე ტურში, ექვსივე ოლქში ღირსეული კანდიდატები ჰყავს წარდგენილი: ქუთაისში – გიორგი ჭიღვარია, ყაზბეგში – ალექსანდრე ზაგაშვილი, ხაშურში – გიორგი გურასპაშვილი, ბორჯომში – ლევან ლიპარტია, ოზურგეთში – ბეგლარ სიორიძე, მარტვილში – ალექსანდრე გრიგალავა.  ჩვენ მათ გამარჯვებაში აბსოლუტურად დარწმუნებულნი ვართ”, – აცხადებს კვირიკაშვილი.

კომენტარი
facebooktwittergoogle_plus